آخر النهفات لتيس الوطن، وآخر عروض سخية بهاد الزمن،،
الكمية قليلة، والعرض محدود!!
روح موت، والك عنزتين سود!!
***
قال راح كم وزير وكم كائن من فئة القرود الزرق والسود،،
وزعوا على أسر فطايس الوطن عنزات، خصوصي مربّينهن للأمهات، هللي شايلين وراهن عيلة، والرجّال بعيلتهن فطس ومات،،
اي حكوا حكي وصرحوا تصريحات، ما بيفهمها غير قائد قطيع العنزات!!
اي شو دخل التشارك الاجتماعي والتواؤم الاقتصادي بهيك حركات؟؟!!
قال هي بداية صغيرة ومتواضعة، بس بتحمل كميات كبيرة من المدلولات!!
اي شو خص موضوع التنمية المستدامة، بحلب المعازي وحكايا الشهامة؟؟!!
بس في أمهات من أمهات الوطن، متلهن متل عنزات الوطن بهاد الزمن،،
ضحوا ولسا بيضحوا، وبيبعتوا ولادهن ليدبحوا ولادنا بأقسى المحن،،
ديروا بالكن وابعتوا عيالكن!! ترى الكمية قليلة، والعرض محدود!!
ويا بطل الجيش الأسدي لحّق حالك وموت، روح موت وراسمالها عنزتين سود!!
نكشات مخ سوري /// عنزات الوطن
|