[أم الخطاب]

طبعاً تاني يوم نزلت ع الكلية ... و كان عندنا إمتحان صعب .. ماكنت دارسة منيح ... لانة متل ماحكيت كانت نفسيتي كتير تعبانة و ماكنت قادرة أستوعب شي
نزلت بالحجاب ( غطاء راس فقط ) و قميص طويل
في قاعة الأمتحان .... كان الدكتور اللي يدرس المادة ملتزم دينيا بس شديد كتير .... بعني صعب التعامل معو
كان يقرأ اسماء الحضور و الغياب
و أنا كنت بقرأ بورقة الأسئلة ... و شايفة ورقة الأسئلة طلاسم ... وبتأمل بكل سؤال ... كانت المادة صعبة ... و بلاصل هاي المادة قليل ناس بنفذوا منها من أول مرة ...
طبعا الدكتور بقرأ اسمي ... سمعت إسمي ... رفعت إيدي ... (و انا كنت بصف المقاعد التاني ) و مارفعت راسي ... لاني لسى كنت بحاول أفك الطلاسم ... حكيت يمكن احاول أحل فرع من الأسئلة
رجع الدكتور قرأ اسمي ... و انا رفعت إيدي ومارفعت راسي
بعد شوي ... سمعت حدا بسألني عند راسي ( إيمتى تحجبتي ؟؟؟) رفعت راسي ... و حكيتلو اليوم أول يوم ...
ضحك ضحكة مش رح أنساها بحياتي ... و حكالي مبارك
ومسك دفتر الإجابة ... و رح حط توقيعة عليه و كتبلي علامتك +B هاي هدية مني ... و مش رح أظلم زملائك ...و رح أساعدهم علشانك
شعرت إنة بلشت كرامات الحجاب