الغالى صهيب
صباح الخير اولا
انت تقول
كل مجتمع أو مجموعة بشرية عندها منظومة اخلاقية وقيمية تحددها موانع اجتماعية عقدية
يكون الدين في أغلب الأحيان هو المركز باعتبار تحريم المحارم
و لاكن هل الدين كافى بدون الرجوع الى العقل فمثلا الهندوسية تحرم اكل اللحم
الاخلاق مطلب شخصى و ليس لة صلة بالدين
الاخلاق بتتطور وفقا لظروف المجتمع اللى الفرد عايش فية
بمعنى ملحد عربى اكيد هيكون عندة نخوة و شهامة على شان هو اتربة على كدة بغض النظر عن دينة اية
ملحد غربى مفيش نخوة عادى مثلا ان حد يسلم على اختة و يقبلها هو المجتمع كدة و اتربى على كدة
اتمنى انك تقرا لفرويد موضوعة فى الاخلاق ( الهو - الانا - الانا الاعلى ) و هتعرف ماذا اقصد بان الاخلاق مطلب شخصى لا علاقة لة بالدين
هو اة ممكن يكون الدين بيعيد صياغة الاخلاق مش اكتر كمسلم شرب النبيذ حرام كمسيحى مش حرام شرب النبيذ
كمسلم حرام اكل لحم خنزير كمسيحى حلال اكل لحم خنزير كهندوسى حرام اكل لحم من اساسة و هكذا و فقا للدين المنتشر
و بخصوص جزئية
تصور لو قبلت لك أن حياتهم صارت جحيما
كلام مقتابل كلام بلا دليل
ولا يخرج عن مستوى السفاهة الفكرية
لذلك فالمطلوب منك أن لا تتعامل مع: قال ويقول وبيقولي
عذرا انا ممكن اكون متوفقتش فى شرح الجزئية دى انا قصدى عندما شفت التغير سالت عن السبب عرفت السبب مش مجرد حد قال لى وخلاص
و الدليل على التغير صديقى الملحد
قبل الالحاد كان بيعانى من السمنة المفرطة (وزنة كان 142 ) الان بعد الالحاد اصبح 95 و دة على شان بيحافظ على رشاقتة و صحتة على شان يستمتع بالحياة قدر الامكان
قبل الالحاد كان بيشرب خمر الان بعد الالحاد بطل خمرة بسسب انها بتدمر الكلى و بتقصر العمر مثلها مثل السجاير اللى بطلها ايضا
كتير جدا اكلمة يقولى فى محافظات بعيدة رايح يعمل اعمال خير
بعد الالحاد اصبح دائم الابتسام حبة للحياة زاد اهدافة و طموحاتة زادت و بتزيد يوم عن يوم هو لا يؤمن بالبعث بعد الموت و لذلك يؤمن انة هيعيش مرة واحدة على شان كدة لازم يسيب اثرة فى الحياة مش مجرد فرد عاش حياة روتينية درس /اتخرج /اشتغل / اتجوز/ خلف / مات
بقى عامل هدف يومى انة يخلى على الاقل شخص واحد ميعرفوش يبتسم و دة لما لة اثر جميل على نفسيتة
و كلة دة انا شفتة بعينى و سمعتة بودنى و لمست التغير الكلى فى شخصيتة
<!-- / message --><!-- sig -->
اما جزئية
فالسؤال: لماذا طابو المحارم؟ هل من رد عقلي؟ كل أنثى هي هدف لإشباع الغرائز خاصة عندما دائرة الحياة متوقفة على الدنيا وليس هناك بعدا آخر يخشى فيه العقاب أو الردع
عزيزى اولا احب اوضحلك ان فعلا صدق من قال ان المنموع مرغوب
انا فى اعتقادى ان البعد الاخر ليس اكثر من اداة يتم استخدمها لتحريض و تحفيز متبعى الاديان و ارجع و استخدم نفس كلمتك
لذلك فالمطلوب منك أن لا تتعامل مع: قال ويقول وبيقولي
اين دليلك على وجود البعد الاخر غير قال اللة و قال الرسول
هل هناك دليل علمى واحد على وجود البعد الاخر ؟
هل تعرف احد ذهب الى البعد الاخر و اكد لك وجود البعد الاخر ؟
انا راى الشخصى البعد الاخر مجرد اداة للسيطرة على العقول و الدليل ان جميع الاديان السماوية او الارضية تتناول فكرة الجنة للثواب والجحيم للعقاب
اتمنى انى مكنش طولت عليك و عذرا لو اسلوبلى كان فظ شوية
بس انا فعلا باحث عن الحقيقة فلازم اقول كل اللى انا شايفة و شايلة جوايا
|