رؤيا اتمنى التفسير

[فلونه الفل]

السبت 1/12/2018
رويا اختي اصغر مني علي لسانها تقول( حلمت كلنا ذهبنا السوق تقصد اهلي واهلي راحو مكان ثاني وانا وانتي*تقصدني* كنا وحيدات بمحل فتح جديد كان فيه موظفات وانتي*تقصدني* جلستي بكرسي وجات وحده قالتلك تبغين تشترين شيء قلتيلها لا مابغي اشتري شيء كأنك انتي *تقصدني* عطيتي ابوي اغراضك عشان يروح يبيعها علي اساس انها اجهزه ثم نزلت من المحل *صاحبة الرؤيا* لقيت ابوي برا واقف ثم قلت لابوي احنا اين الان ؟ابوي قال احنا في عمان جيت انا كأني ألتفت يمين ويسار قال ابوي تعالي بيشوفونك السيارات وجهي كان مفتوح محجب ثم قلت بقلبي فالرياض كنت فاتحه وجهي بعدين قلت بقلبي لا كنت مغطيه صح، بعدين دخلت المحل عندك*تقصدني* ثم اتوقع نزلنا بعدين جينا كلنا اتوقع كلهم جاو معانا ودخلنا السيارة ابوي قطع السكه كان فيه سوبرماركت قدام بعدين جاء رجع قال بركب بالسيارة احسن لي قطع بعدين رجع مشي شوي بعدين وقف مكان وقفنا بس كذا يعني وقفنا لا نستني شيء ولا شيء بس وقفنا كذا ،
كلنا جالسين بعدين ابوي قال بعت حقك يافلانه *يقصدني*ب700 قال حلوه اليوم حصلنا 700 وهذي ال700 حقك انتي كأن ابوي باع ب700 وانتي مش راضيه تبغين اكثر من 700 هذا الشيء فخم تقولين هذا الجهاز فخم بعدين جيت انا كأني فتحت الكرتون قاعده اشوف الكاميرا فتحته من فوق ضغطته وهي كاميرا صغيره مش كبيره بعدين انفتحت بعدين كأن واحد رجال كنا كلنا راكبين وراء حتي امي راكبه وراء معانا عشان قدام كان خربان حزام الامان وكأن ترف مدري مشاري كانو قدام مكان امي وكانت مفتوحه الطاقه عند ترف او مشاري وكلنا مصكره عندنا حتي ابوي مصكره عنده الطاقه بعدين جاء قاعد يمشي رجال جاء عند طاقة مشاري جاء قاعد يقول الله يدخلكم الجنه اتوقع كان يبغي فلوس بعدين ابوي حرك رجع السيارة علي وراء وانتي*تقصدني* مسكتي الكاميرا خفتي انه يسحبها احنا داخل السياره بعدين قاعده اقولك فكي مابياخذها بعدين صكرتها ودخلتها داخل الكرتون بعدين جاء ابوي رجع السياره وراء والرجال قاعد يتكلم الله يدخلكم الجنه وانا ماكنت اطالع فيك*تقصدني* مدري انتي عطيتيه ريال او فلوس او ماعطيتيه شيء اتوقع ماعطيتيه شيء بعدين احنا نمشي بالطريق جات امي قالت ماشاء الله الدعوه وقعت من نصيب فلانه*تقصدني* (دعوة الله يدخلك الجنة) وانتهت الرؤيا.
بيانات صاحبة الرؤيا اختي اسمها دعاء عمرها14
انا متزوجه لدي طفل لا اعمل عمري 24 اصلي فروضي

[فلونه الفل]

ملاحظه / الرؤيا نقلتها لكم على لسان اختي واختي هي اللي تحكي وتقص الرؤيا وبالواقع حزام الأمان بسيارة الوالد من قدام خربان

[فلونه الفل]

ايش التفسير ياشيوخنا الأفاضل ،، اتمنى تردون علي لي ايام انتظر التفسير
شيخي ابن السنه وشيخي ابو جهاد الأنصاري!!!!!!!!!

[إبن السنّة]

السلام عليكم
وأظن أن هذه الرؤيا مكملة للرؤيا السابقة لك ، والله أعلم ، ونسأل : هل فتحت مصلحة صحية كما كنت تنوين أم لا ؟
وبشكل عام فالرؤيا تقول أن ينظر الإنسان إلى من هو أدنى منه منزلة وذلك كما نصت عليه السنة النبوية ، وليس أن ينظر لمن هو أعلى منه منزلة ، وعندما يرى الإنسان من اقل منه منزلة يعرف قدر فضل الله عليه ، والرؤيا تحث على الصبر والتوكل على الله تعالى ، والصبر مفتاح الفرج ، والتوكل على الله تعالى والثقة به تخفف من الصعوبات .
ثم الصدقة فهي تزيد الرزق وترضي الله تعالى ، والشخص الفقير يذكر بحال من هو احسن من حال الفقير بكثير ، ثم أن يرضى المؤمن بما قسم الله له ، ونذكر بحديث للرسول : قَالَ رَسُولُ اللهِ صلى الله عليه وسلم:مَنْ يَأْخُذُ مِنْ أُمَّتِي خَمْسَ خِصَالٍ ، فَيَعْمَلُ بِهِنَّ ، أَوْ يُعَلِّمُهُنَّ مَنْ يَعْمَلُ بِهِنَّ ؟ قَالَ : قُلْتُ : أَنَا يَا رَسُولَ اللهِ ، قَالَ : فَأَخَذَ بِيَدِي فَعَدَّهُنَّ فِيهَا ، ثُمَّ قَالَ : اتَّقِ الْمَحَارِمَ تَكُنْ أَعْبَدَ النَّاسِ ، وَارْضَ بِمَا قَسَمَ اللهُ لَكَ تَكُنْ أَغْنَى النَّاسِ ، وَأَحْسِنْ إِلَى جَارِكَ تَكُنْ مُؤْمِنًا ، وَأَحِبَّ لِلنَّاسِ مَا تُحِبُّ لِنَفْسِكَ تَكُنْ مُسْلِمًا ، وَلاَ تُكْثِرِ الضَّحِكَ ، فَإِنَّ كَثْرَةَ الضَّحِكِ تُمِيتُ الْقَلْبَ.(رواه أحمد والترمذي ) .

[فلونه الفل]

سبحان الله وقع تفسير الرؤيا السابقه ورزقني الله بوظيفه من بيتي واكرمني بالمال الحلال ،،، والان لي قرابة الاسبوعين اقرا يوميا سورة البقرة واختمها كل ثلاث ايام واكثرت من الصلاة علي الرسول صل الله عليه وسلم

[فلونه الفل]

من قبل ان تري اختي هذه الرؤيا وانا اقرأة سورة البقرة واكثر من الحوقله والصلاة علي الرسول